پوری دنیا اچ کورونا وائرس توں متاثرہ لوکاں دی تعداد 72 لکھ توں ودھ گئی، چار لکھ 8ہزار توں ودھ ہلاکتاں

واشنگٹن/لندن/ نئی دہلی۔ 9 جون (اے پی پی)پوری دنیا اچ مہلک کورونا وائرس توں متاثرہ لوکاں دی تعداد ودھ کراہیں 72 لکھ تھی گئی اے جڈاں جو ایں وبا پاروں ہنڑ تئیں 4 لکھ 8 ہزار توں ودھ لوک ہلاک تھی گئی اے۔ منگل کوں امریکی ذرائع ابلاغ موجب کورونا وائرس پوری دنیا اچ ہنڑ تئیں 7,200,364 لوکاں کوں متاثر کیتے اتے ایندے توں متاثرہ 408,744 لوک مختلف ملکاں اچ لقمہ اجل بنڑ گئن ۔ مریضاں دی تعداد دے حوالے نال امریکہ پوری دنیا اچ پہلے نمبر تے ہے جڈاں جو ڈوجھے تے برازیل تے تریجھے تے روس اے۔ ڈوجھے پاسے ایں وبا پاروں موت دی تعداد دے لحاظ نال امریکہ پہلے، برطانیہ ڈوجھے تے برازیل تریجھے نمبر تے ہے ۔اتھاں پوری دنیا اچ کورونا وائرس دے مصدقہ متاثرین دی تعداد 7,200,364تھی گئی اے ۔ جانز ہاپکنز یونیورسٹی دے تازہ ترین اعدادو شمار موجب پوری دنیا اچ ایں مہلک وائرس نال ہلاکتاں دی تعداد 408,744 تئیں پج گئی اے ۔ پوری دنیا اچ ساریں توں ودھ اموات امریکہ اچ تھئن جتھاں 113055 لوک ہلاک تھئن ۔ امریکہ اچ کورونا وائرس دے مصدقہ متاثرین دی تعداد 20لکھ توں ودھ اے ۔کورونا وائرس نال برطانیہ اچ ہنڑ تئیں 40,680 لوک ہلاک تھئن ۔ برازیل اچ اے تعداد 36,455، اٹلی اچ 33,964، فرانس اچ 29,212، سپین اچ 27,136، میکسیکواچ 13,699، بیلجئیم اچ 9,606، جرمنی اچ 8,695، ایران اچ 8,351 اتے بھارت اچ 7,473 اے۔ بھارت اچ کورونا وائرس پاروں ہک ڈینھ اچ ریکارڈ 331 ہلاکتاں اتے9987 نویں کیس سامنڑے آگئن جڈاں جو ملک اچ متاثرین دی مجموعی تعداد 267046 تھی گئی اے ۔ امریکہ اچ لاک ڈاﺅن دے بعد ہنڑ معیشت کوں کھولیا ویندا پئے ۔ٹیکساس اتے فلوریڈا سمیت کجھ ریاستاں اچ نویں انفیکشن اچ ودھارا ڈیکھنڑ اچ آئے۔ امریکہ اچ قومی سطح تے تصدیق شدہ انفیکشن 20 لکھ دے نیڑے ہن ۔