کراچی ۔ 29 جون (اے پی پی) پاکستان اسٹاک ایکسچینج اچ حملہ آور دہشت گرداں دے داخلے دی کوشش پولیس ناکام بنڑا ڈتی اے ،پولیس اتے دہشت گرداں دے درمیان فائرنگ دے تبادلے اچ چار دہشت گرداں کوں ہلاک کرڈتا گئے ۔سب انسپکٹر شاہد دہشت گردوں دی فائرنگ نال شہید تھی گئن جڈاں جو حملے اچ 4 سیکورٹی گارڈ اتے ہک شہری شہید وی تھی گئے ۔ ترجمان کراچی پولیس ولوں سنوار کوں جاری کیتے گئے اعلامیہ دے مطابق فائرنگ دے تبادلے اچ داخلی دروازے تے ڈیوٹی تے موجود کراچی پولیس دا سب انسپکٹر شاہد دہشت گرداں دی فائرنگ نال شہید تھی گئے جڈاں جو ترائے پولیس اہلکار زخمی تھی گئن ،حملہ آور دہشت گرداں دے خلاف پولیس دی وختی کاروائی توں پاکستان اسٹاک ایکسچینج اچ موجود سارے عملے تے عمارت وڈی تباہی توں محفوظ رہی ۔ ترجمان مزید ڈسائے جو حملہ آور دہشت گرداں ولوں فائرنگ اتے دستی بم حملے اچ چار سیکورٹی گارڈ اتے ہک شہری وی شہید تھئے ،پولیس ولوں دہشت گرداں ڈے موجود جدید اسلحہ ہینڈ گرینڈ، بارود اتے بیاں چیزاں کوں وی قبضے اچ گھن گھدے ۔ پولیس تے رینجرز ولوں علاقے کوں کلئیر کرنڑ کیتے پاکستان اسٹاک ایکسچینج دی عمارت اتے آسے پاسے سرچنگ دا عمل جاری اے ۔
