چین دے سفیر یاو جنگ دی وزیراعظم دے مشیربرائے خزانہ ومحصولات ڈاکٹرعبدالحفیظ شیخ نال ملاقات

APP09-26 ISLAMABAD: June 26 - Chinese Ambassador to Pakistan, H.E. Mr. Yao Jing, calls on Adviser to the Prime Minister on Finance and Revenue, Dr. Abdul Hafeez Shaikh. APP

اسلام آباد ۔ 26 جون (اے پی پی)وزیراعظم دے مشیربرائے خزانہ ومحصولات ڈاکٹرعبدالحفیظ شیخ نال چین دے سفیر یاو جنگ اسلام آباد اچ ملاقات کیتی اے۔ملاقات اچ ڈو طرفہ فدلچسپی دے معاملیان، کرونا دی صورتحال اچ معاشی شعبے دی بحالی سانگے اقدامات،سی پیک منصوبیاں دی تیکھے تکمیل اتے خاص کر کرونا نال لرنڑ کیتے چین دے تجربات تے گالھ مہاڑ کیتی گئی۔ڈاکٹرعبدالحفیظ شیخ کرونا نال نبڑن کیتے چین ولوںپاکستان دی ویلھے تے مدد اتے ہتھ ونڈاونڑ دا شکریہ ادا کیتے جو چین اتے پاکستان ہر ڈکھ سکھ دے سنگتی ہین۔ انہاں چینی سفیر کوں کرونا دی صورتحال اچ پاکستان اچ وبا دے معاشی سماجی اتے خاص کر کمزورطبقات تے منفی اثرات اتے انہاں نال نبڑن کیتے حکومتی اقدامات دی تفصیل ڈسائی۔انہانا ٓکھیا جو حکومت سی پیک منصوبیاں دے عملی اطلاق کون تیکھا کرنڑ کیتے ودھ اقدامات کریندی پئی اے۔چینی سفیر یقین ڈیوایا جو چین پاکستان اچ سی پیک جھیں ترقیاتی منصوبیان اچ سرمایہ کاری بئی ودھسی،ایندے نال پاکستان دی معیشت وی تکڑی تھیسی اتے روزگار دے وی مواقع نکلسن۔