لاہور/اسلام آباد ۔ 13 جون (اے پی پی) وزیراعظم عمران خان آکھیے جو سمارٹ لاک ڈاﺅن ہی پاکستان جھیں ملک کیتے کورونا وائرس نال نبڑن دا ہکو حل اے،کرونا تے لوکاں احتیاط نئیں ورتی،ہنڑ مکمل لاک ڈاون نئیں سمارت لاک ڈاون تے سختی کریسوں،ایسی او پیز تے وسمجھوتہ نہ کیتا ویسی، کروناکوں کھنڈنڑ توں وی روکنڑے،معیشت چلاونڑی اے اتے غریباں کوں وی سوکھ ڈیونڑے، جیکر لوکاں سنجیدگی نہ ڈکھائی تاں بہوں اوکھ ڈیکھنڑا پوسی۔اے گالھ انہاںلاہور اچ کورونا وائرس بارے اعلیٰ سطح دے اجلاس بعدمیڈیا نال گالھ مہاڑاچ آکھی۔انہاں نال وزیر اعلیٰ پنجاب عثمان بزدار، صوبائی وزرائ، وزیراعظم دے معاونین خصوصی ی موجودہن۔ وزیراعظم آکھیے جو لاہور اچ اجلاس کر تے کورونا دی وباءبارے تیاریاں، اقدامات تے غور کیتے۔ انہاں آکھیے جو اے تاثر ہئی جو کرونا کھنڈیا تاں ولا لاک ڈاﺅن تھیسی بھل میں واضح کرڈیواں جواینجھا لاک ڈاون نئیں کرسگدے جیندے نال ہر شعبہ بند تھی ونجے، لاک ڈاﺅن نال معاشی سرگرمیاں رک ویند، غریب، ڈیہاڑی دار طبقہ متاثرتھیندے،ایندے کیتے سمارٹ لاک ڈاﺅن کرنا پوسی تاں جو ملکی نظام چلدا راہوے۔ وزیراعظم آکھیے جو کرونا پاروں بجٹ بنڑاونڑ اوکھا ہئی،ول وی ہک متوازن بجٹ ڈتے۔وزیراعظم افسوس کیتے جو لوکاں کرونا تے سنجیدگی ڈکھائی اے نہ احتیاط ورتی اے،عوام کون چاہیدے جو او ذمہ داری ڈکھیندے ہوئے ایس او پیزتے عمل کرن،جیکر ایویں صورتحال رہی تاں ہسپتال بھریج ویسن، جاہ نہ بچسی،اپنڑیاں سرگرمیاں وی جاری رکھو بھل احتیاط کوں وی بھلو۔وزیراعظم آکھیے جو پہلے اساں سارا معاملہ لوکان تے چھوڑڈتے بھل ہنڑ لوکاں دی حفاظت اتے بیاں ہلاکتاں توں بچنڑ کیتے سختی کریسوں،مخصوص ایریاز بند کیتے ویسن،ایندے کیتے ٹائیگر فورس ودھ کم کریسی اتے ایس او پیز سانگے انتظامیہ دا ہتھ ونڈیسی،ماسک دا استعمال ضروری کر ڈیووخاص کر رش آلی جاہ تے احتیاط ورتی ونجے،ڈیکھنڑے جو آندے ڈینہاں اچ کرونا کیا صورتحال ٓختیار کریندے ایندی ذمہ داری عوام تے ہے جو او کتنی سنجیدگی ڈکھیندن۔ وزیراعظم آکھیے جو میں باقی صوبیاں دا وی دورہ کریساں اتے سورتحال دیا ٓپ نگرانی کریساں۔
