اسلام آباد ۔ 19 جون (اے پی پی) وزیراعظم دے معاون خصوصی برائے قومی صحت ڈاکٹر ظفر مرزا آکھیے جو کورونا دی حکمت عملی اچ فرنٹ لائن ہیلتھ کیئر ورکرز دی فلاح و بہبود اگونہی ترجیح ہین۔اے گالھ انہاں میڈیا پر بریفنگ اچ آکھی۔ انہاں آکھیا جو اساں ہک جامع سپورٹ پیکیج اتے تیکھے اینجھی ہیلپ لائن بنڑاونڑ دا اعلان کیتا ہا جتھاں کورونا نال نبڑن آلے ہیلتھ ورکرز شکایت درج کرا سگن،ایں ہیلپ لائن جمعہ توں کم شروع کر ڈتے، ایں ہیلپ لائن دا مرکز این سی او سی ہوسی۔ ہیلتھ ہیلتھ کیئر ورکرز 1166دے علاوہ خصوصی واٹس ایپ نمبر تے وی شکایت درج کراسگسن جیندے بعد ”کمپلینٹمینجمنٹ نظام دے تحت شکایت دا ازالہ کر تے سٹیٹس ڈسا ڈتا ویسی۔ ڈاکٹر ظفر مرزا آکھیا جو 923001111166 واٹس ایپ چیٹ باٹ اچ ہیلتھ کیئر ورکرز اپنڑی شکایت لکھ تے بھیج سگدن۔
