اسلام آباد ۔ 20 جون (اے پی پی) وفاقی وزیر مذہبی امور پیر نور الحق قادری دی زیر صدارت کورونا وباءتوں محفوظ عید الاضحیٰ سانگے ایس او پیزبنڑاونڑ لووزارتِ مذہبی امور اچ علماءو مشائخ نال اہم مشاورتی اجلاس اسلام آباد اچ تھئے جیندے اچ وفاقی وزیر داخلہ سید اعجاز شاہ، وزیر اعظم دے مشیر برائے صحت ڈاکٹر ظفر مرزا، آفتاب جہانگیر، پارلیمانی سیکرٹری سودھاچارے صوبیاں ،گلگت بلتستان تے آزادکشمیر توں حکومتی ارکان و علماءکرام دے نمائندیاں شرکت کیتی۔اجلاس اچ کرونا دی سنگینی پاروں مویشی منڈیاں اتے عید الاضحیٰدکے اجتماعات محفوظ کرنڑ کیتے لائحہ عمل تے صلاح مشورہ کیتا گئے۔اجلاس اچ وفاقی وزیر داخلہ اتے ملک دے مختلف نمائندہ علماءکرام اتے مشائخ عظام تجویزاں ڈتن اتے یقین ڈیوائے جو او عید الفطر آلی کار طے شدہ ایس او پیز تے عملدرآمد سانگے پورا ہتھ ونڈیسن۔فاقی وزیر مذہبی امور پیر نور الحق قادری آکھیے جو دینی شعائر اتے مذہبی فرائض دے نال نال قومی صحت و سلامتی دا خیال وی رکھنڑے،ایندے کیتے حکومت سارے فریقاں نال صلاھ مشورہ جاری رکھیسی اتے چارے صوبیاں،گلگت بلتستان،آزادکشمیر دیاں تجویزاں تے قومی لائحہ عمل دے مطابق فیصلے کیتے ویسن۔
