اسلام آباد ۔ 31 جولائی (اے پی پی) وفاقی وزیر اطلاعات ونشریات سینیٹر شبلی فراز آکھیے جو عمران خان دیاں کوششاں تحریک آزادی کوں نواں ساہ گھتیے، کشمیریاں نال بہوں تکڑے انداز اچ اظہار یکجہتی کیتا ویسی،مسلہ کشمیر اگونہا کرنڑ دا مقصد کشمیریاں دا مقدمہ لڑن اے،5 اگست دا ڈینھ کشمیریاں نال ایویں اظہار یکجہتی کریندے منیسوں جو بھارت کوں وی پتہ لگ ویسی جو کشمیریاں نال پاکستان کھڑے۔انہاں دا آکھنڑ ہا جووزیراعظم عمران خان پورے جگ اچ مسلہ کشمیر کوں اگونہا کتیے،جیویں انہاں بھارت اتے مودی دا سیاہ چہرہ جگ اچ بے نقاب کیتے اوندے نال جگ دیاں وی اکھیں کھل گین اتے اج کوئی وی بھارت دے نال کائنی اتے مسلہ کشمیر تے ہر کوئی پاکستان دے موقف دی حمایت اچ اگو اے،او ڈینھ پریں کائنی جڈاں کشمیری آزادی دا سجھ ڈیکھسن۔