اسلام آباد ۔ 22 جولائی (اے پی پی) کابینہ دی اقتصادی رابطہ کمیٹی نیاپاکستان ہاﺅسنگ اینڈ ڈویلپمنٹ اتھارٹی کیتے مارک اپ سبسڈی دی منظوری ڈے ڈتی اے۔ مکاناں کیتے بنکاں توں قرضہ تے مارک اپ اچ زر تلافی دی مدت 10 سال ہوسی، 5 مرلہ مکان کیتے قرضہ تے پہلے پنج سال اچ مارک اپ دی شرح 5 فیصد اتے آندے پنج سالاں اچ 7 فیصد ہوسی، 10 مرلہ مکان تے حاصل قرضہ تے پہلے پنج سال مارک اپ دی شرح 7 فیصد اتے بئے پنج سالاں اچ 9 فیصد ہوسی۔ اقتصادی رابطہ کمیٹی دا اجلاس وزیراعظم دے مشیربرائے خزانہ ومحصولات ڈاکٹرعبدالحفیظ شیخ دی زیر صدارت تھئے جیندے اچ سال2020-21 ءکیتے پاسکو توں پاکستان آرمی کیتے ادائیگی دی بنیاد تے ہک لکھ50 ہزارمیٹرک ٹن کنڑک مختص کرنڑ دی منظوری ڈتی گئی۔ اجلاس پی ٹی بی آرڈیننس 1968دے دفعہ (1 )8 دے تحت پرائس اینڈ گریڈ رویژن کمیٹی دی سفارشات تے تمباکو دی قیمتاں دی منظوری ڈتی۔ای سی سی وزارت قومی غذائی تحفظ وتحقیق کوںقیمتاں ،قرر کرنڑ کیتے طریقہ کار اتے نظام اچ خامیاں گولنر کیتے تفصیلی بریفنگ دی ہدایت کیتی۔نیاپاکستان ہاﺅسنگ اینڈ ڈویلپمنٹ اتھارٹی کیتے مارک اپ سبسڈی سانگے زرتلافی دی مد اچ 10 سال کیتے 33 ارب روپے رکھیے گین۔ جاری مالی سال زرتلافی کیتے 4.77 ارب روپے رکھیے گین۔ای سی سی این سی اوسی دے سٹیک ہولڈرز اتے حکومتی محکماں کیتے سسٹم لاونڑ، ڈیٹا اینالیسز، ماڈلنگ اتے موبائل ایپس کیتے وزارت انفارمیشن ٹیکنالوجی اینڈ ٹیلی کمیونیکیشن اتے این آئی ٹی بی سانگے 4 کروڑ 18 لاکھ روپے رکھنڑ دی وی منظوری ڈتی۔ای سی سی کورونا وائرس دے اثرات نال نبڑن کیتے وزیراعظم دے اعلان کیتے گئے امدادی پیکج اچوں زراعت اتے ایس ایم ایز کیتے 100 ارب روپے دے مختص فنڈزدے استعمال دی تجویز دا جائزہ وی گھدا گئے۔