اسلام آباد ۔ 31 جولائی (اے پی پی)وزیراعظم عمران خان دی زیر صدارت نیشنل کوآرڈینیشن کمیٹی دا اجلاس تھئے جیند اچ صوبہ پنجاب اتے کے پی کے ولوں تعمیراتی، ترقیاتی سرگرمیاں دے سرکاری اجازت نامیاں، این او سیزسانگے ویب پورٹل دے کم، خصوصیات اتے اثرات دا جائزہ گھدا گیا۔ویب پورٹل دا مقصد بلڈرز کوں ڈیجیٹل خدمات ڈیونڑ ،گھٹ توں گھٹ انسانی مداخلت اتے مقررہ مدت دے اندرو تیزی نال درخواستاں نمٹاونڑ اے ۔اے پورٹل سارے دفتراں نال جڑی ہوئی اے تاں جو تیکھے شکایتان نمٹایاں ونج سے، ایں سانگے ملک اچ 9 ای خدمت مراکزبنڑائے گین،جیندا دائرہ کار 14 اگست تئیں صوبے دے سارے ضلعیاں اچ ودھا ڈتا ویسی۔وزیراعظم ہدایت کیتی جو این او سیز تے اجازت نامے بارے آن لائن نظام سارے صوبیاں اچ لایا ونجے،ایں سانگے ودھ توں ودھ شفافیت،تیزی نال درخواستاں تے عمل ضروری اے تاں جو بلڈرز اتے ڈویلپرز کوں حکومتی مراعاتی پیکیج دے ویلھے تے فیدے ملن۔