وزیراعظم عمران خان کشمیر دادورہ کریسن،سینیٹ دا خصوصی اجلاس وی سڈیا ویسی،وفاقی وزیر اطلاعات و نشریات سینیٹر شبلی فراز دی کابینہ اجلاس دے بعد میڈیا بریفنگ

اسلام آباد ۔ 28 جولائی (اے پی پی) وفاقی کابینہ دا اجلاس وزیراعظم عمران خان دے زیر صدارت تھئے جئیںملک اچ کرونا دے گھٹدے مجموعی کیسز اتے اموات دی شرح اچ کمی تے اطمینان کیتے،کابینہ عید اتے محرم تے ایس او پیزتے سو فیصد عمل کرنڑ دی اپیل کیتی اے جڈاں جو فیصلہ کیتا گئے جو 5اگست کوں مقبوضہ کشمیر اچ بھارتی اقدامات دی بھر پور مذمت کیتی ویسی،وزیراعظم عمران خان کشمیر دادورہ کریسن،سینیٹ دا خصوصی اجلاس وی سڈیا ویسی، وفاقی کابینہ پٹرول دی قلت دے معاملے تے تحقیقاتی کمیشن بنڑاونڑ دی منظوری ڈے ڈتی،ذخیرہ اندوزاں دے خلاف کارروائی کیتے ضلعی انتظامیہ کو ں ہدایات جاری،وزیراعظم دی صحافیاں اتے میڈیاورکراں تنخواہیں اتے بقایاجات نہ ملنر تے ناراضگی ڈکھائی اے۔ اے گالھ وفاقی وزیر اطلاعات و نشریات سینیٹر شبلی فرازکابینہ اجلاس توں بعد میڈیا بریفنگ اچ آکھی۔ انہاں آکھیے جو پیپلز پارٹی سندھ بشمول کراچی دی ترقی کیتے کجھ نئیں کیتا،وفاقی حکومت کراچی دے عوام کوں سندھ حکومت دے رحم و کرم تے نئیں چھوڑ سگدی،کراچی اچ حکومت اتے اتحادی جماعتاں دے ایم این اے ایز اتے ایم پی ایز کوں ہدایت ڈتی گئی اے جو او کراچی دے لوکاں نال رابطے اچ راہون،بارش دے بعد سندھ حکومت دی کارکردگی کھل گئی اے،وفاقی حکومت کراچی کیتے جوکجھ وی تھیا کریسی،اے پچھنڑ تاں حق بنڑدے جو پچھلی اتے اجوکی حکومتاں سندھ اچ جیڑھے ارباں روپے لائن او کیڈے گین؟سندھ حکومت کو عوام کوں تیکھے ریلیف ڈیوے۔انہاں ڈسائے جو کابینہ نیا پاکستان ہاﺅسنگ سکیم تے اطمینان کیتے،پٹرول دی قلت بارے بنڑائے گئے تحقیقاتی کمیشن اچ ایڈیشنل ڈائریکٹر جنرل ایف آئی اے ،اٹارٹی جنرل ، ایف آئی اے، اینٹی کرپشن اتے وزارت پیٹرولیم دے نمائندے شامل ہوسن، یورو فائیو پیٹرول دا معیار چنگاں ہوندے اتے اے ماحول دوست وی اے،آندے مہینے توں یورو فائیو پیٹرول ملنر لگ ویسی۔کابینہ اچ اٹے کنڑک اتے کھنڈ دی دستیابی، ملھ اتے ذخائر تے غور کیتا گئے ۔وفاقی وزیر آکھیا جو وزیراعظم کشمیر دا سفیر ہوونڑ دا حق ادا کیتے،5اگست کوں کشمیر بارے کئی پروگرام کرائے ویسن،مقبوضہ کشمیر اچ بھارتی اقدامات دی بھر پور مذمت کیتی ویسی۔