اسلام آباد ۔ 8 جولائی (اے پی پی) اسپیکر قومی اسمبلی اسد قیصرصوابی اچ اشتہاری ملزمان ولوں پولیس تے فائرنگ دی مذمت کریندے ہوئیں واقعے اچ ڈی ایس پی علامہ اقبال دے جانی ضیان تے ڈکھ تے افسوس دا اظہار کیتے ۔ بدھ کوں اپنڑے مذمتی بیانا چ انہاں آکھیے جو اساڈے قانون نافذ کرنڑ آلے اداریں دے نینگراں ملک اچ امن و امان دے قیام دی خاطر لازوال قربانیاں ڈتن ۔ شہید ڈی ایس پی علامہ اقبال علاقے دے امن دے قیام کیتے اپنڑی جان ڈتی اے ۔ ڈی ایس پی علامہ اقبال ہک فرض شناس افسر ہن، انہاں صوابی اچ امن دے قیام اتے جرائم دے خاتمے کیتے قابل قدر خدمات سرانجام ڈتن۔ انہاں دی قربانی کوں ہمیشہ یاد رکھیا ویسی ۔ اللہ تعالیٰ مرحوم کوں جنت الفردوس اچ جاہ تے لواحقین کوں ایں ناقابل تلافی ضیان کوں برداشت کرنڑ کیتے صبر ڈیوے ۔
