اسلام آباد۔ 13 جولائی (اے پی پی)وفاقی وزیر انسانی حقوق ڈاکٹر شیریں مزاری آکھیے جو جیرھے لوکاں سوشل میڈیا تے اقلیتاں دے حوالے نال توہین آمیز خاکے لاتن انہاں دے خلاف کاروائی شروع کرڈتی گئی اے ۔سنوار کوں قومی اسمبلی اچ وفاقی وزیر ڈاکٹر شیریں مزاری آکھیے جو اساں ایوان اچ یقین ڈیوایا ہئی جو جنہاں اقلیتاں دے حوالے نال سوشل میڈیا تے کارٹون بنڑائے انہاں دے خلاف کاروائی کیتی ویسی ۔ اساں اے معاملہ سائبر کرائم ونگ دے نال چاتے ، ایجھا کرنڑ آلیں دی نشاندہی تھی گئی اے ۔ ہک گاونڑ جیرھا فیصل آباد توں اپ لوڈ تھیا ہئی ہٹا ڈتا گئے ۔ انہاں آکھیے جو اقلیتاں دے حوالے نال توہین آمیز خاکے بنڑاونڑ آلیں دے خلاف اج منگل توں کاروائی شروع کرڈتی ویسی ۔
