انگلینڈ دے خلاف ٹیسٹ سیریز اچ پاکستان دے لیگ سپنر یاسر شاہ اہم کردار نبھیسن،باسط علی

اسلام آباد ۔ 14 جولائی (اے پی پی) قومی کرکٹ ٹیم دے سابق مڈل آرڈر بلے باز باسط علی آکھیا جو انگلینڈ دے خلاف ٹیسٹ سیریز اچ پاکستان دے لیگ سپنر یاسر شاہ اہم کردار نبھیسن کیونجو اتھاں دی کنڈیشن انہاں سانگے سازگار اے،میکوں لگدے جو یاسر شاہ پاکستان دا ٹرمپ کارڈ ہوسی،اے پاکستان سانگے بہوں ضروری اے،او انگلینڈ دے خلاف چنگی کارکردگی ڈکھیسن۔یوٹیوب کوں انٹرویو ڈیندیں ہوئیں باسط علی آکھیا جو جولائی اتے اگست اچ انگلینڈ اچ موسم گرم رہندے اتے ایں پاروں یاسر دی باﺅلنگ زیادہ سپن تھیسی اتے انہاں کوں وکٹاں گھنڑ اچ مد د ملسی۔