اسلام آباد ۔ 10 جولائی (اے پی پی) وفاقی وزیر ریلوے شیخ رشید احمد آکھیے جو ایم ایل ون منصوبے تے کم دا آغاز وڈی کامیابی ہوسی ، منصوبے دی آندے 15 ڈینھ تئیں ایکنک توں منظوری گھدی ویسی، منصوبے تے 90 فیصد پاکستانی ہنرمند افرادی قوت ہو سی، صرف 10 فیصد لوک چین توں آسن ، انگریز 1861 کلومیٹر ٹریک چھوڑ تے گیا جیرھا جو ہک انچ وی اگوں نی ودھیا ، ملکی تاریخ اچ پہلی واری 1872 کلومیٹر فاسٹ ٹریک تے کم تھیونڑ ویندا پئے جیرھا جو وزیراعظم عمران خان، میڈی تے لیفٹیننٹ جنرل (ر) عاصم سلیم باجوہ دیاں کوششاں نال ممکن تھیونڑ ویندا پئے ۔اے گال انہاں جمعے کوں وزارت ریلوے اچ پریس کانفرنس نال خطاب کریندے ہوئیں آکھی اے ۔ شیخ رشید احمد آکھیے جو چیف جسٹس آف پاکستان اے اے کیس سنڑیا میں سمجھداں جو اے فیصلہ وی ایں حوالے نال اہمیت رکھیندے ۔ وزیر ریلوے آکھیے جو ایم ایل ون دے ذریعے 1872 کلومیٹر ٹریک چین دے تعاون نال وچھایا ویسی جیں تے کوئی کراسنگ کائناں تھیسی ۔انہاں آکھیے جو کنسٹرکشن دے عمل اچ 1.5توں ڈو لکھ لوکاں کوں روزگار مل ویسی تے چین دے نال تھیونڑ آلے مہادے دے تحت صرف 10 فیصد انجینئر اتے ماہرین چین توں آسن جڈاں جو 90 فیصد لوک پاکستان توں ہوسن جیں اچ ریلوے توں ریٹائر تھیونڑ آلے وی کم کرسگدن۔ ایں ویلھے ایم ایل ون منصوبے دے علاوہ اساں ڈے کوئی حل کائنی 160 کلومیٹر فی گھنٹہ دا ٹریک میسر آسی جیں دے بعد 200 کلومیٹر فی گھنٹہ تئیں گھن آیا ویسی ۔9 ارب ڈالر دا اے فقید المثال منصوبہ ریلوے اچ انقلاب گھن آسی اینکوں اساں بلٹ ٹرین اچ وی بدل سگسوں ، موجودہ 80 کلومیٹر ٹریک کوں بروئے کار نی گھن آیا ونج سگدی ۔
