اسلام آباد ۔ 15 جولائی (اے پی پی) قومی احتساب بیورو (نیب) جسٹس (ر) جاوید اقبال آکھیے جو بدعنوانی ساریاں برائیاں دا منڈھ اے ،نیب وائٹ کالر کرائمز تے میگا کرپشن کیسز کوں توڑ پجاونڑ کیتے پرعزم اے۔ نیب اعلامیے دے موجب انہاں آکھیے جو نیب دا ایمان کرپشن فری پاکستان اے جیرھا جو ایندی انسداد بدعنوانی دی قومی حکمت عملی ،آگاہی تدراک تے انفورسمنٹ تے مبنی اے۔ انہاں آکھیے جو نیب اقوام متحدہ دی بدعنوانی دے خلاف کنونشن (یو این سی اے سی) دے تحت فوکل پرسن اے جڈاں جو پاکستان یو این سی اے سی تے دستخط کر رکھئن ۔ عالمی اقتصادی فورم، ٹرانسپیرنسی انٹرنیشنل پاکستان، پلڈاٹ اتے مشال پاکستان بدعنوانی مکاونڑ کیتے نیب دیاں کوششاں دی تعریف کیتی اے ۔انہاں آکھیے جو نیب کاکردگی کوں مزید بہتر بنڑاونڑ کیتے آپریشن، پراسیکیوشن، ہیومن ریسورس ڈویلپمنٹ، ٹریننگ ریسرچ، آگاہی و تدارک دے شعبیں کوں فعال بنڑایا گئے ۔انہاں آکھیے جو نیب کوں 2019ءاچ 53 ہزار 643 شکایتاں ملیاں جیں اچوں 42 ہزار 760 کوں نبیڑ ڈتا گئے 2018ءوچ نیب کوں 48 ہزار 591 شکایتاں ملیاں جیں اچوں 41 ہزار 414 کوں نبیڑ ڈتا گئے ۔ شکایات اچ ودھارے نال نیب تے عوام دے اعتماد دا اظہار تھیندے۔
