جگ دے منیے ہوئے سماجی کا رکن عبدلستار ایدھی دا چوتھا ورھینڑاں بدھ کوں منایا گئے

اسلام آباد ۔ 8 جولائی (اے پی پی) انسانی خدمت اچ کمال شخصیت عالمی شہرت یافتہ ، سماجی کارکن عبدالستار ایدھی کوں جگ توں منہ موڈیے چار سال لنگھ گین۔او 8جولائی 2016 کوں فوت تھئے ہن ۔عبدالستار عیدھی خدمت دا جیڑھا منڈھ بدھیا ہئی او ہنڑ وی اویں تیزی نال انسانیت دی خدمت اچ لگیا ہوئے۔جگ دی سب توں وڈی ایمبولینس سروس عبدالستار ایدھی دی سماجی خدمت داجیندا جاگدا ثبوت اے۔ عبدالستار ایدھی اپنڑی گھر آلی بلقیس نال ایدھی فاونڈیشن دے تحت یتیم خانے،بے گھر تریمتیں اتے بیوائیں کیتے پناہ گاہیں جڈاں جو منشیات دے عادی لوکاں کیتے بحالی سنڑ بنڑائن۔ انہاں کئی واری قدرتی آفات ویلھے انسانیت دی خدمت کیتے ودھ فنڈز کٹھے کر تے امدادی کماں اچ لائن۔انہاں دی سماجی خدمت پاروں انہاں کوں تمغہ امتیازڈتا گئے۔انہاں کوں بئے وی کئی ملکی و غیر ملکی اعزازات ملین۔