نارووال۔ 25 جولائی (اے پی پی)وزیراعظم عمران خان دے معاون خصوصی عثمان ڈارآکھیے جو حکومت عمران خان دی اگوانڑی اچ ملک و قوم دی خدمت اچ ردھی ہوئی اے،کرونا نال نبڑن،مافیا کوں نبیڑن اتے شفاف احتساب اچ کوئی رکاوٹ نہ آسی،احساس پروگرام اتے ٹائیگر فورس تاریخی اقدام ہین، کوئی مائنس نہ تھیسی،وزیر اعظم عمران خان اتے عثمان بزدار 5 سال پورے کریسن۔نارووال اچ ٹائیگر فورس کنونشن اتے پریس کانفرنس نال خطاب اچ انہاں دا آکھنڑ ہا جو احسن اقبال ہر ویلھے ٹائیگر فورس تے تنقید کریندے اوکوں ہٹلر فورس آہدے ہن، اج گم ہیں اتے مین امید کرینداں جواونارووال دے نوجواناں دی حوصلہ افزائی کیتے ضرور آسن ۔انہاں آکھیے جو پاکستان بہوں اوکھے حالات اچ وزیر اعظم عمران خان کوں ملیے، معاشی بحران اتے کرونا وبا بارے اہم اتے اوکھے فیصلے کیتے گین بھل ایندے چنگے نتیجے نکلین،احساس پروگرام ہک تاریخی پروگرام اے جیندے نال ملکی تاریخ اچ پہلی واری سب توں ودھ 1 کروڑتوںو دھ خانداناں کوں مالی امدادڈتی گئی اے،کھنڈ اتے اٹے پاروں لوکاں کوں مشکلات ہین بھل اٹا اتے کھنڈ مافیا دی انکوائری تھیندی پئی اے،جڈاں کینسردا علاج تھیندے تان درد وی پوندن،وزیراعظم این مافیا دی انکوائری پبلک کر تے تاریخی اتے نویکلا کم کیتے،اج ایں وڈے مافیا کوں کیسزداسامنڑا اے،اے مافیا اپنڑے انجام کوں پجسی۔عثمان ڈار آکھیے جواپوزیشن مائنس مائنس دا روونڑا روندی ودی اے ،پہلے عمران خان دا آہدی ہئی اتھاں دال نہ گلنڑ تے ہنڑ پنجاب اچ مائنس دی گالھ کریندی پئی اے بھل کتھائیں کوئی مائنس نہ تھیسی، وزیر اعظم عمران خان ہوون یا پنجاب اچ وزیر اعلیٰ عثمان بزدار 5 سال پورے کریسن۔
