اسلام آباد ۔ 19 جولائی (اے پی پی) و سرائیکی دے معروف صداکار اداکار اتے ٹی وی کمپئیر ایم ڈی گل دی وفات تے سرائیکی عوامی تریمت تحریک ولوں اظہار افسوس کیتا گئے ، سرائیکی عوامی تریمت تحریک ولوں جاری بیان موجب ایم ڈی گل دے فوت تھیونڑ نال سرائیکی وسیب اداکار اتے منفرد میزبان توں محروم تھی گئے۔ایم ڈی گل دی وفات سرائیکی وسیب کیتے وڈا ضیان اے ۔انہاں دی وفات نال پیدا تھیونڑ آلا خلا کڈاہیں پر نی تھی سگدا ۔ انہاں دعا کیتی جو اللہ سئیں ایم ڈی گل کوں جوار رحمت اچ جاہ ڈیوے تے انہاں دے لواحقین کوں صبر ڈیوے۔ انہاں دی عمر 62 سال ہئی او ذیابیطس دے مریض ہن ۔ ایم ڈی گل دا تعلق بہاولپور توں ہئی ۔انہاں دا اصل ناں محمد دین گل ہئی ۔ انہاں ریڈیو پاکستان بہاولپور توں آپنڑے کیریئر دا آغاز کیتا تے ریڈیو پاکستان ملتان نال وی جڑیے رہیے ۔ایندے توں علاوہ انہاں مختلف سکولاں اچ پتلی تماشے وی کیتے۔بعد اچ او کراچی گے تے این ٹی ایم اتے وسیب ٹی وی نال رل گئے ۔ مشہور ڈرامہ سیریل ”پس آئینہ “ سمیت مختلف ڈرامیں اچ اپنڑاں فن ڈکھالیا ۔ ایں دوران وسیب ٹی وی انہاں کوں نائٹ شو دا میزبان بنڑا ڈتا تے اے شو” ایم ڈی گل دے نال “دے ناں کوں کئی سال مقبول رہیا ۔ ایم ڈی گل اپنڑی سادہ طبیعت ،خالص سرائیکی لہجے پاروں بہوں مشہور تھئے ۔او سرائیکی خطے دے مقبول ٹی وی میزباناں اچ شامل ہن ۔انہاں دی جنازہ سنوار دے ڈینھ کراچی اچ دا کیتی ویسی ۔
