اسلام آباد ۔ 13 جولائی (اے پی پی) صدر مملکت ڈاکٹر عارف علوی آکھیے جو اج ہی دے ڈینھ 13جولائی 1931 کوں 22 کشمیریاں جام شہادت نوش کیتا او ڈینھ پرے کائنی جڈاں کشمیر دی آزادی دا سجھ ابھرسے ۔سنوار کوں یوم شہداء کشمیر دے موقع تے اپنڑے خصوصی پیغام اچ صدر مملکت ڈاکٹر عارف علوی آکھیے جو ڈوگرہ راج اتے ہنڑ بھارت دے غاصبانہ قبضہ دے خلاف کشمیریاں دی جدوجہد کوں سلام پیش کریندوں شہدا دیاں قربانیاں ضائع نہ ویسن ۔مقبوضہ کشمیر وچ اج وی کشمیری اپنڑے حق خود ارادیت کیتے اپنڑیاں جاناں قربان کریندے پئن ۔ انہاں آکھیے جو پاکستان کشمیر یاں دی اخلاقی،سیاسی اتے سفارتی حمایت جاری رکھیسی ،کشمیری گزریل سال دی 5 اگست توں بھارتی فوج دے محاصرے وچ ہن ۔انہاں آکھیے جو عالمی برادری دی کشمیر اچ بھارتی ظلم تے چپ افسوس ناک اے ۔
