اسلام آباد ۔ 16 جولائی (اے پی پی) صدر مملکت ڈاکٹر عارف علوی شمالی وزیرستان اچ شہید تھیونڑ آلے سپاہی محمد اسماعیل خان ،سپاہی محمد شہباز یاسین،سپاہی محمد رضوان خان اتے سپاہی راجہ وحید احمد دے اہلخانہ کوں ٹیلی فون کر تے شہیداں دے خاندان نال ڈکھ تے افسوس دا اظہار کیتے ۔خمیس کوں ایوان صدر توں جاری بیان موجب صدر مملکت ڈاکٹر عارف علوی شہیداں دے اہلخانہ نال تعزیت دا اظہار کیتے تے انہاں دے اچے درجے کیتے دعا کیتی اے ۔ صدر مملکت آکھیے جو اللّٰہ تعالیٰ شہیداں کوں جنت اچ جاہ ڈیوے تے ڈکھی خانداناں کوں صبر ڈیوے ۔
