عام بندے تئیں گیس اتے بجلی جیہی بنیادی سہولت پجاونڑ حکومت دی پہلی ترجیح اے،سپیکر قومی اسمبلی اسد قیصر دا پورے ملک اچ جاری گیس ترقیاتی سکیمز تے پیش رفت بارے جائزہ اجلاس نال خطاب

اسلام آباد ۔ 15 جولائی (اے پی پی) سپیکر قومی اسمبلی اسد قیصرآکھیا جو عام بندے تئیں گیس اتے بجلی جیہی بنیادی سہولت پجاونڑ حکومت دی پہلی ترجیح اے،حکومت بنیادی سہولتاں بارے اتے عوام دے مسئلیاں بارے چنگی طرح جانڑدی اے،اے گالھیں انہاں بدھ کوں پارلیمنٹ ہاﺅس اچ پورے ملک اچ جاری گیس ترقیاتی سکیمز تے پیش رفت بارے جائزہ اجلاس نال خطاب کریندیں ہوئیں آکھی۔انہاں آکھیا جو اوگرا اتے این این جی پی ایل وچال تعاون ملک اچ گیس منصوبیاں کوں جلدی پورا کرنڑ سانگے ضروری اے۔انہاں عوام کوں گیس میٹر بارے آونڑ آلی رکاوٹ دور کرنڑ سانگے عملی اقدامات کرنڑ دی لوڑھ تے زور ڈتا۔وفاقی وزیر توانائی عمر ایوب خان سپیکر کوں یقین ڈوایا جو متعلقہ محکمے پورے ملک اچ گیس کنکشن بارے پوری کوشش کریسن۔