مظفرگڑھ،، دریائے سندھ تونسہ دی جاہ تے تباہی مچا ڈتی،ہزاراں ایکڑ رقبہ اتے کئی وستیاں دریا برد تھی گئی

مظفرگڑھ ۔ 21 جولائی (اے پی پی) مظفرگڑھ دی تحصیل کوٹ ادو اچ دریائے سندھ تونسہ دی جاہ تے تباہی مچا ڈتی،ہزاراں ایکڑ رقبہ اتے کئی وستیاں دریا برد تھی گئی اے،ڈاون سٹریم ار ڈی 34تے زمینی کٹاﺅ ودھ گئے ۔بیڑی آلا سپر اتے نیڑے دی وستیاں سودھے زرعی رقبے کوں دریا نگلنڑ شروع کر ڈتے۔ہزاراں ایکڑ رقبہ اتے کئی وستیاں کٹاﺅ پارواں دریا برد تھی گئی ۔متاثرین پنجاب دی حکومت ضلعی انتظامیہ اتے مقامی انتظامیہ دے خلاف احتجاج کیتا، حضور بخش،کریم بخش،اللہ وسایا،نور دین،غضنفر اتے بئے متاثرین آکھیا جو انہاں دی زمیناں دریا برد تھی گئن،گھر ڈہہ گئن اتے دریا کٹاﺅ اجاں وی جاری اے جڈانجو انتظامیہ دریائی کٹاﺅ کوں روکنڑ سانگے کوئی کم نی کیتا اتے نہ کوئی ریلیف کیمپ لاتا گئے جڈانجو ڈوجھے پاسوں ایکس ای این تونسہ بیراج مہر محمد ریاض ڈسیا جو تلویں درجے دا سیلاب اے اتے اطلاع دے مطابق اتے اندازیاں دے مطابق ڈو لکھ 50ہزار کیوسک توں ودھ پانڑی کائنا امسی ۔انہاں آکھیا جو محکمہ آبپاشی سیلاب نال نبڑنڑ سانگے سارے انتظامات پورے کر گھدن۔