ملتان ۔18 جولائی (اے پی پی)”ویلھا مک گیا، ہنڑ ساکوں اجازت ڈیو“ ایم ڈی گل وی جھوک لڈا گئن ۔سرائیکی دے معروف صداکار ، اداکار اتے ٹی وی کمپیئر ایم ڈی گل ہفتے دے ڈینھ کراچی اچ انتقال کرگئن۔ انہاں دی عمر 62 سال ہئی او ذیابیطس دے مریض ہن ۔ ایم ڈی گل دا تعلق بہاولپور توں ہئی ۔انہاں دا اصل ناں محمد دین گل ہئی ۔ انہاں ریڈیو پاکستان بہاولپور توں آپنڑے کیریئر دا آغاز کیتا تے ریڈیو پاکستان ملتان نال وی جڑیے رہیے ۔ایندے توں علاوہ انہان مختلف سکولاں اچ پتلی تماشے وی کیتے۔بعد اچ او کراچی گے تے این ٹی ایم اتے وسیب ٹی وی نال رل گئے ۔وسیب ٹی وی دے سابق پروگرام منیجر توقیربیگ اے پی پی نال گال مہاڑ کریندے ہوئیں ڈسائے جو ایم ڈی گل دے فوت تھیونڑ نال سرائیکی وسیب اداکار اتے منفرد میزبان توں محروم تھی گئے ۔ ایم ڈی گل این ٹی ایم اچ انہاں دے رلے ڈرامہ سیریل ڈیڈی اچ کم کیتا ۔ایندے توں انجھ این ٹی ایم دے مشہور ڈرامہ سیریل ”پس آئینہ “ سمیت مختلف ڈرامیں اچ اپنڑاں فن ڈکھالیا ۔ ایں دوران وسیب ٹی وی انہاں کوں نائٹ شو دا میزبان بنڑا ڈتا تے اے شو” ایم ڈی گل دے نال “دے ناں کوں کئی سال مقبول رہیا ۔ ایم ڈی گل اپنڑی سادہ طبیعت ،خالص سرائیکی لہجے پاروں بہوں مشہور تھئے ۔او سرائیکی خطے دے مقبول ٹی وی میزباناں اچ شامل ہن ۔انہاں دی جنازہ سنوار دے ڈینھ کراچی اچ دا کیتی ویسی ۔
