اسلام آباد ۔ 19 جولائی (اے پی پی) نیشنل ڈیزاسٹر مینجمنٹ اتھارٹی ولوں صوبیں کوں طبی عملے کیتے حفاظتی سامان دی 11ویں کھیپ دے تحت صوبہ خیبر پختونخوا کوں سامان پٹھ ڈتے ۔ ترجمان این ڈی ایم اے موجب کے پی کوں مختلف قسماں دے 1 لکھ 35 ہزار 364 فیس ماسک ڈتے گئن جیں اچ این 95، کے این 95 اتے سرجیکل ماسک شامل ہن ۔ خیبرپختونخوا کوں 62 ہزار 988 حفاظتی سوٹ اتے 79 ہزار، 478 میڈیکل گاﺅن وی ڈتے گئن ایندے توں علاوہ 1لکھ 4 ہزار316 جوڑے سرجیکل دستانے اتے 14 ہزار 866 سرجیکل کیپس وی ڈتیاں گئن ۔ 60 ہزار حفاظتی عینکاں تے 10 ہزار 914 فیس شیلڈز وی سامان اچ شامل ہن ،اینویں 8 ہزار 695 شوز کور اتے 1628 پلاسٹک بوٹ وی ڈتے گئن ۔ ترجمان آکھیے جو باقی صوبیں کوں وی ڈاکٹراں اتے میڈیکل سٹاف کیتے حفاظتی سامان دی ترسیل جاری اے۔
