وزیراعظم دے زیرصدارت اعلیٰ سطح اجلاس، تعمیراتی صنعت کیتے اعلان کیتے گئے پیکج اچ رکاوٹاں تے غور تعمیراتی منصوبیاں داعالمی سطح تے روڈ شوکراونڑ دا فیصلہ کیتا گئے،منصوبیاں نال لوکاں دے خواب پورے تھینس اتے عیشت وی تکڑی تھیسی،وفاقی وزیر اطلاعات و نشریات سینیٹر سید شبلی فراز دی پریس کانفرنس

APP44-16 ISLAMABAD: July 16 - Senator Shibli Faraz, Federal Minister for Information and Broadcasting and Dr. Sania Nishtar, Special Assistant to the Prime Minister on Poverty Alleviation and Social Safety addressing a press conference. APP

اسلام آباد۔16جولائی(اے پی پی)وزیراعظم دے زیرصدارت اعلیٰ سطح اجلاس تھئے جیندے اچ تعمیراتی صنعت کیتے اعلان کیتے گئے پیکج اچ رکاوٹاں تے غورکیتا گئے۔ اجلاس دے حوالے نال پریس کانفرنس کریندے ہوئے وفاقی وزیر اطلاعات و نشریات سینیٹر سید شبلی فرازآکھیے جو اجلاس اچ تعمیراتی منصوبیاں داعالمی سطح تے روڈ شوکراونڑ دا فیصلہ کیتا گئے،منصوبیاں نال لوکاں دے خواب پورے تھیسن اتے معیشت وی تکڑی تھیسی۔ایں موقع تے انہاں دا آکھنڑ ہا جوحکومت لوکاں کوں اوکھ توں کڈھنڑ اتے ودھ توں ودھ سوکھ ڈیونڑ کیتے تعمیراتی صنعت سانگے پیکج دا اعلان کیتا ہا تاں وج ایندے نال جڑے شعبے، معیشت بحالی دو آ ونجن۔انہاں ٓکھیے جو اجلاس دا مقصد تعمیراتی شعبے دی ترقی کیتے سارے فریقاں نال رابطہ اتے تجویزاں گھنڑ اے تاں جو ایں بارے پیش رفت کوں اگونہا کیتا ونج سگے۔اجلاس اچ ملک دے منیے ہوئے تاجر، سرمایہ کار،تعمیراتی شعبے نال جڑیے بلڈر وی موجود ہن۔وفاقی وزیر ڈسایا جو متعلقہ شعبے دے سارے مسلیاں، مشکلات اتے ایندے اچ پیش رفت سانگے رکاوٹاں تے غور کیتا گئے اتے مختلف تجویزاں دا وی جائزہ گھدا گئے،ہک تجویز اے وی ہے جو جتنے وی تعمیراتی منصوبے ہین، انہاں دا بین الاقوامی سطح تے روڈ شوکیتا ونجے۔انہاںا ٓکھیے جو وزیراعظم ایں حولے نال ہر ڈو ترائے ڈینھ بعد اجلاس کرنڑ دی ہدایت کیتی اے ۔سید شبلی فرازآکھیا جو حکومت اینجھیاں مراعات ڈیندی پئی جو عام پاکستانی جیہڑھا عام حالات اچ اپنڑا گھر مل گھن سگدے نہ بنڑا سگدے او وی اپنڑے گھردا خواب پورا کر سگے،ایں منصوبے دا ودھ جائزہ گھدا گئے تاں جو لوکاں کوں ودھ توں ودھ سوکھ ملے۔