اسلام آباد ۔ 6 جولائی(اے پی پی) وزیراعظم عمران خان آزاد پتن ہائیڈرو پاور پراجیکٹ دی تعمیر کیتے چین دے گیزوبا گروپ نال معاہدے تے دستخط دی تقریب اچ شرکت کیتی ۔ وزیر اعظم آفس میڈیا ونگ ولوں جاری بیان موجب آزاد پتن ہائیڈرو پاور پراجیکٹ چین پاکستان اقتصادی راہداری منصوبے (سی پیک) دا حصہ اے، منصوبہ 1.5 ارب ڈالر دی سرمایہ کاری نال تعمیر کیتا ویسی ۔ 700.7 میگاواٹ بجلی پیدا کرنڑ کیتے تعمیر کیتے ونجنڑ آلے آزاد پتن منصوبہ دی تکمیل نال بجلی پیدا کرنڑ کیتے تیل دی درآمدات تے انحصار کوں گھٹ کرنڑ اچ مدد مل ویسی اتے ایندے نال ملک آبی وسائل توں سستی اتے ماحول دوست بجلی پیدا کرنڑ دی راہ تے گامزن تھیسی ۔مقامی سطح تے روزگار دے موقع وی پیدا تھیسن۔
