اسلام آباد ۔ 04جون (اے پی پی)وفاقی وزیر اطلاعات تے نشریات سینیٹر شبلی فراز آکھیا جو وزیراعظم عمران خان دی سمارٹ لاک ڈاﺅن دی حکمت عملی پاروں کورونا دے کیس گھٹ تھین،ڈاکٹرز اتے طبی عملے ٹیم ورک نال کورونا دا مقابلہ کیتے اتے اوکھے ویلھے عوام دی خدمت کیتی اے،احساس پروگرام نال ڈیڈھ کروڑ ٹبراں اچ 150ارب روپے شفافیت نال ڈتے گئن۔حکومت دی کوششاں نال کورونا دی ٹیسٹنگ دی صلاحیت ودھا ڈتی گئی اے۔اگر اساں ایس او پیز تے عمل کروں تان ہسپتال جلدی ویران تھی ویسن اتے کھیڈاں دے پڑ آباد تھی ویسن۔کورونا دے خلاف طبی عملہ اگوں اگوں اے۔انہاں کوں کلھا کائنا چھڑیسوں۔اے گالھیں انہاں ہفتے کوں پولی کلینک ہسپتال دے دورے دے موقع تے صحافیاں نال گالھ مہاڑ کریندیں ہوئیں آکھی۔انہاں آکھیا جو وزیراعظم عمران خان دی سمارٹ لاک ڈاﺅن دی حکمت عملی پاروں کورونا دے کیس گھٹ تھین،ڈاکٹرز اتے طبی عملے ٹیم ورک نال کورونا دا مقابلہ کیتے اتے اوکھے ویلھے عوام دی خدمت کیتی اے۔وفاقی وزیر اطلاعات سینیٹر شبلی فراز ’ این سی او سی ولوں قوم دی خدمت اتے قوم کاوش دے سو ڈینھ پورے تھیونڑ تے ڈاکٹرز اتے پیرامیڈیکل سٹاف کوںخراج تحسین پیش کیتا۔
