اسلام آباد ۔ 6 جولائی (اے پی پی) وزیراعظم عمران خان کوروناوائرس دی عالمگیروباءنال نبڑنڑ اچ پاکستان سمیت بین الاقوامی برادری کوں معاونت ڈیونڑ تے عالمی ادارہ صحت دی تعریف کیتی اے ، وزیراعظم پاکستان اتے بئے ترقی پذیر ملکاں کیتے کوویڈ 19 متعلق سفری پابندیاں دے خاتمے تے ڈیٹا تے مبنی غیرامتیازی سفری قواعد کوں یقینی بنراونڑ اچ عالمی ادارہ صحت توں اپنڑاں کردار ادا کرنڑ دا وی مطالبہ کیتے ۔ انہاں اے گال سنوار کوں عالمی ادارہ صحت دے ڈائریکٹرجنرل تیدروز ادھانوم نال ویڈیو کانفرنس دے دوران آکھی اے ۔ عالمی ادارہ صحت دے ڈائریکٹرجنرل کورونا وائرس دی وباءنال نبڑنڑ تے وائرس دے کھنڈنڑ کوں روکنڑ دے ضمن اچ پاکستانی اقدامات تے پیشرفت دی تعریف کیتی ۔ وزیراعظم عالمگیروباءنال نبڑنڑ اچ پاکستان سمیت بین الاقوامی برادری کوں معاونت ڈیونڑ تے عالمی ادارہ صحت دی تعریف کیتی ۔انہاں عالمی ادارہ صحت دے سربراہ کوں زندگی اتے روزگاردے درمیان توازن رکھیندے ہوئیں سائنسی تے معلومات تے مبنی پاکستان دی حکمت عملی تے اقدامات تے صحت عامہ دی سہولتاں اچ تکھے بہتری بارے ڈسایا تے آکھیے جو انہاں اقدامات وحکمت عملی نال مثبت نتیجے سامنڑے آئن تے ملک اچ کورونا گھٹ کھنڈا پئے ۔عالمی ادارہ صحت دے ڈائریکٹرجنرل آکھیے جو ادارہ کوویڈ 19 متعلق سفری قوانین اتے ضوابط دے ضمن اچ بین الاقوامی برادری کیتے رہنماءاصولاں تے کم کریندا پئے ۔
