کنڑک اتے اٹے دی عوام کوں گھٹ نرخاں تے ڈیونڑ حکومت دی پہلی ترجیح اے،بین الصوبائی آونج بارے سوکھ یقینی بنڑائی ونجے ،کنڑک اتے اٹے بارے وفاق اتے صوبے آپت اچ حکمت عملی بنڑاون،لوڑھ دے مطابق ذخیرہ کوں یقینی بنڑایا ونجے،ماضی اچ ذخیرہ اندوزی اتے منافع خوری اچ ملوث بندے نہ صرف کساناں کوں انہاں دا جائز منافع توں محروم کیتے اتے عام بندے کوں ودھ نرخ اٹا گھنڑ تے مجبود کیتے۔وزیراعظم عمران خان دی کھاونڑ پیونڑ دی شہیں دے نرخ گھٹ کرنڑ بارے جائزہ اجلاس اچ گالھ مہاڑ
اسلام آباد ۔ 6 جولائی (اے پی پی)وزیراعظم عمران خان کھنڈ دی ذخیرہ اندوزی دے خلاف کاروائی اتے ملاوٹ دے خلاف زیرو ٹالرنس پالیسی دی ہدایت ڈیندیں ہوئیں آکھیا جو کنڑک اتے اٹے دی عوام کوں گھٹ نرخاں تے ڈیونڑ حکومت دی پہلی ترجیح اے،بین الصوبائی آونج بارے سوکھ یقینی بنڑائی ونجے ،کنڑک اتے اٹے بارے وفاق اتے صوبے آپت اچ حکمت عملی بنڑاون،لوڑھ دے مطابق ذخیرہ کوں یقینی بنڑایا ونجے،ماضی اچ ذخیرہ اندوزی اتے منافع خوری اچ ملوث بندے نہ صرف کساناں کوں انہاں دا جائز منافع توں محروم کیتے اتے عام بندے کوں ودھ نرخ اٹا گھنڑ تے مجبور کیتے۔اے گالھیں انہاں ملک اچ کھاونڑ پیونڑ دی شہیں دے نرخ گھٹ کرنڑ بارے جائزہ اجلاس اچ گالھ مہاڑ کریندیں ہوئیں آکھی۔اجلاس اچ صوبہ پنجاب، سندھ، بلوچستان دے چیف سیکرٹریز اتے ایڈیشنل چیف سیکرٹری خیبر پختونخواہ وی ویڈیو لنک دے ذریعے شریک تھیے۔صوبائی چیف سیکرٹریز اجلاس کوں بنیادی لوڑھ دی شہیں دے نرخ گھٹ کرنڑ بارے اقدامات دا تفصیلی جائزہ پیش کیتا۔وزیراعظم عمران خان جے آئی ٹی رپورٹ بارے کھنڈ ذخیرہ کرنر آلیاں دے خلاف کاروائی دی ہدایت کیتی۔وزیراعظم ہدایت کیتی جو ملاوٹ دے خلاف زیروٹالرنس پالیسی رکھی ونجے۔کنڑک اتے اٹے دی عوام کوں گھٹ نرخاں تے ڈیونڑ بارے چیف سیکرٹری پنجاب شرکاءکوں ڈسیا جو پنجاب کابینہ دی منظوری دے بعد صوبائی حکومت تقریباً 35ارب روپے مالیت دی کنڑک کل ریلیز کریندی پئی اے۔ایں نال نہ صرف اٹے دی قلت گھٹ تھسی جڈانجو کنڑک اتے اٹے دے نرخ وی گھٹ تھیسن۔
