اسلام آباد ۔ 10 جولائی (اے پی پی) وزیراعظم عمران خان نال قومی فضائی کمپنی (پی آئی اے) دے سی ای او ایئر مارشل ارشد ملک جمعے کوں اتھاں ملاقات کیتی ۔ پی آئی اے دے سی ای او وزیراعظم کوں یورپین یونین ایوی ایشن سیفٹی ایجنسی (اے ای اے ایس اے) توں یورپ کیتے پی آئی اے دے فلائٹ آپریشن کوں یقینی بنڑاونڑ کیتے جاری مذاکرات بارے بریفنگ ڈتی ۔ وزیراعظم آفس میڈیا ونگ ولوں جاری بیان موجب ایئر مارشل ارشد ملک وزیراعظم عمران خان کوں پی آئی اے دی ری سٹرکچرنگ، اینکوں منافع بخش اتے بہترین ایئر لائن بنڑاونڑ دے حوالے نال وی تفصیل ڈسائی ۔ وزیراعظم عمران خان ہدایت کیتی جو ری سٹرکچرنگ دا منصوبہ ادارہ جاتی اصلاحات بارے اچ وزیراعظم دے مشیر ڈاکٹر عشرت حسین دی مشاورت نال تیار کیتا ونجے تے ہک ہفتے دے اندر فریم ورک تیار کرتے پیش کیتا ونجے ۔ وزیراعظم آکھیے جو اساڈی حکومت اداریں دی کاکردگی کوں بہتر بنڑاونڑ ،تے خدمات دی فراہمی کیتے اصلاحات دے ایجنڈے تے خصوصی توجہ ڈیندی پئی اے ۔
