کنڑک،اٹے اتے کھنڈ دی مناسب ملھ تے دستیابی یقینی بنڑائی ونجے،گنے دی کرشنگ اچ دیر نئیں تھیونڑی چاہیدی،لوڑھ پووے تاں چینی دی درآمدکیتے وی منصوبہ بندی اتے انتظامات کیتے ونجن،وزیرِاعظم عمران خان دی اجلاس اچ ہدایت اتے خطاب
اسلام آباد ۔ 27 جولائی (اے پی پی)وزیرِاعظم عمران خان دی زیر صدار ت کنڑک اتے کھنڈ دی صورتحال تے جائزہ اجلاس تھئے جیندے اچ ذخیرہ اندوزی اتے مہانگ اچ ملوث عناصر دے خلاف فوری کارروائی دی ہدایت کیتی گئی اے اجلاس نال خطاب اچ وزیراعظم عمران خان آکھیے جو کنڑک،اٹے اتے کھنڈ دی مناسب ملھ تے دستیابی یقینی بنڑائی ونجے،گنے دی کرشنگ اچ دیر نئیں تھیونڑی چاہیدی،لوڑھ پووے تاں چینی دی درآمدکیتے وی منصوبہ بندی اتے انتظامات کیتے ونجن۔اجلاس اچ وفاقی وزراءمحمد حماد اظہر، سینیٹر سید شبلی فراز، مشیر ان ڈاکٹر عبدالحفیظ شیخ، عبدالرزاق داود، معاون خصوصی لیفٹنٹ جنرل (ر) عاصم سلیم باجوہ، متعلقہ وزارتاں دے وفاقی سیکرٹریز شرکت کیتی اتے سیکرٹری صاحبان ویڈیو لنک تے موجود ہن۔اجلاس اچ کنڑک اتے کھنڈ دی اجوکی صورتحال اتے قیمتاں دا جائزہ گھدا گئے۔اجلاس اچ پنجاب حکومت اتے کے پی کے ولوں کنڑک دی نقل و حمل، دستیابی اتے قیمتاں بارے بریفنگ ڈتی گئی۔کنڑک دی ذخیرہ اندوزی اچ ملوث عناصر دے خلاف کارروائی اچ پیش رفت دا وی ڈسایا گئے۔اجلاس سرکاری اتے نجی شعبے ولوں پندرہاں لکھ میٹرک ٹن گندم دی درآمدتے پیش رفت دا جائزہ گھدا۔وزیراعظم ہدایت کیتی جو کنڑک، اٹا اتے کھنڈ لوکاں دی بنیادی لوڑھ اے جیندی مناسب قیمت تے دستیابی اچ کوئی کوتاہی نئیں تھیونڑی چاہیدی،ایں سانگے نجی شعبے دے نال نال سرکاری طورتے وی کنڑک دی درآمدتے عمل کیتا ونجے،ذخیرہ اندوزاں دے خلاف فوری کاروائی کیتی ونجے،ایں سانگے چیف سیکرٹری صاحبان باہمی مشاورت نال مشترکہ لائحہ عمل اختیار کرن۔
