اسلام آباد ۔ 11 جولائی (اے پی پی) وزیر اعظم دے معاون خصوصی برائے امورنوجوانان عثمان ڈار آکھیا جو وزیر اعظم کامیاب جوان پروگرام دے تحت نینگراں کوں مالی طور تے بااختیار بنڑاونڑ سانگے قرضیاں دا ڈوجھا مرحلہ جلدی شروع تھی ویسی۔کاروبار سانگے قرضے دی حد ودھاکراہیں ڈھائی کروڑ پے کر ڈتی گئی اے،نینگر اسلامک بینکنگ سودھے سارے بینکاں توں قرضے گھن سگسن۔اے گالھیں انہاں اے پی پی نال خصوصی گالھ مہاڑ کریندیں ہوئیں آکھی۔انہاں آکھیا جو وزیر اعظم کامیاب جوان پروگرام دے تحت قرضہ سکیم دے پہلے مرحلے اچ ڈاہ لکھ نینگراں قرضے سانگے درخواستاں جمع کروائن۔
