وزیر داخلہ بریگیڈیئر (ر) اعجاز احمد شاہ دی سربراہی اچ کورونا متعلق غلط معلومات دے کھنڈنڑ کوں روکنڑ کیتے 9 رکنی کمیٹی تشکیل

اسلام آباد ۔ 16 جولائی (اے پی پی) وزیر داخلہ بریگیڈیئر (ر) اعجاز احمد شاہ دی سربراہی اچ کورونا متعلق غلط معلومات دے کھنڈنڑ کوں روکنڑ کیتے کمیٹی بنڑائی گی اے جڈاں جو وزیر داخلہ آکھیے جو غلط تے غیر تصدیق شدہ معلومات دے چلاونڑ آلیں دے خلاف سخت کاروائی کیتی ویسی ، سارے ممکن وسائل بروئے کار گھن آندے ہوئیں ذمہ واراں کوں گولیا ونجے ۔ خمیس کوں وزارت داخلہ ولوں جاری بیان موجب وزیر داخلہ اعجاز احمد شاہ دی سربراہی اچ کورونا متعلق غلط انفارمیشن کھنڈنڑ کوں روکنڑ کیتے کمیٹی بنڑائی گی ۔ وزیر داخلہ کمیٹی دے شرکا کوں ہدایت کیتی اے جو غلط اتے غیر تصدیق شدہ معلومات کھنڈاونڑ آلیں دے خلاف سخت کاروائی کیتی ونجے ۔انہاں ڈائریکٹر سائبر ونگ ایف آئی اے کوں وی آکھیے جو مانیٹرنگ تے ایکشن کوں وختی یقینی بنڑاون ، فیک نیوز کھنڈاونڑ آلے ملک تے عوام دے دوست کائنی ۔ کمیٹی دی تشکیل دا مقصد عوام تئیں صحیح معلومات دی رسائی یقینی بنڑاونڑ اے ۔