وطن دی حفاظت دی خاطر اپنڑیاں جاناں دا نذرانہ پیش کرنڑ آلے اساڈے حقیقی ہیروز ہن،اسد قیصر

اسلام آباد ۔ 7 جولائی (اے پی پی) سپیکر قومی اسمبلی اسد قیصر آکھیے جو وطن دی حفاظت دی خاطر اپنڑیاں جاناں دا نذرانہ پیش کرنڑ آلے اساڈے حقیقی ہیروز ہن ، انہاں قربانیاں پاروں اج اساں سکون دی نندر سمدوں ۔، کیپٹن کرنل شیر خان وی انہاں بہادر سپوتاں اچوں ہک ہن جنہاں مادر وطن دی خاطر جرات اتے بہادری نال لڑدے ہوئیں جام شہادت نوش کیتا ۔سپیکر قومی اسمبلی اسد قیصر اے گال کیپٹن کرنل شیر خان شہید دی 21ویں برسی دے موقع تے اپنڑے پیغام اچ آکھی اے ۔ سپیکر قومی اسمبلی آکھیے جو کارگل دے معرکے اچ کیپٹن کرنل شیر خان اتے حوالدار لالک جان شہید بہادری اتے جرات دی ناقابل یقین داستاناں رقم کیتیاں تے اپنڑی بہادری تے جرات نال دشمن دے ناپاک عزائم کوں مٹی اچ رلا ڈتا ۔