کورونا وبا دے خلاف موجودہ حکومت دی حکمت عملی کامیاب رہی اے، عیدالاضحی دے موقع تے کورونا وبا دے کھنڈنڑدا ڈر اے، وزیراعظم عمران خان عیدالاضحی گھر مناونڑ دا فیصلہ کیتے تے عوام توں وی عید تے گھر رہنڑ دی اپیل کیتی اے ، وزیراعظم دی معاون خصوصی تخفیف غربت و سماجی تحفظ ڈاکٹر ثانیہ نشتر کوں احساس پروگرام دا ڈوجھا مرحلہ شروع کرنڑ دی ہدایت ،، مشتبہ لائسنساں آلے 28 پائلٹاں کوں ملازمت توں کڈھ ڈتے ، نقلی لائسنساں آلے سارے پائلٹس پیپلز پارٹی اتے مسلم لیگ (ن) دے دور اچ بھرتی کیتے گئے ، نقلی پائلٹاں دے معاملے تے پئی آئی اے تے سول ایوی ایشن حکام دے خلاف کاروائی جاری اے
اسلام آباد ۔ 7 جولائی (اے پی پی) وفاقی وزیر اطلاعات و نشریات سینیٹر شبلی فراز آکھیے جو کورونا وبا دے خلاف موجودہ حکومت دی حکمت عملی کامیاب رہی اے، عیدالاضحی دے موقع تے کورونا وبا دے کھنڈنڑدا ڈر اے، وزیراعظم عمران خان عیدالاضحی گھر مناونڑ دا فیصلہ کیتے تے عوام توں وی عید تے گھر رہنڑ دی اپیل کیتی اے ، وزیراعظم دی معاون خصوصی تخفیف غربت و سماجی تحفظ ڈاکٹر ثانیہ نشتر کوں احساس پروگرام دا ڈوجھا مرحلہ شروع کرنڑ دی ہدایت ،، مشتبہ لائسنساں آلے 28 پائلٹاں کوں ملازمت توں کڈھ ڈتے ، نقلی لائسنساں آلے سارے پائلٹس پیپلز پارٹی اتے مسلم لیگ (ن) دے دور اچ بھرتی کیتے گئے ، نقلی پائلٹاں دے معاملے تے پئی آئی اے تے سول ایوی ایشن حکام دے خلاف کاروائی جاری اے ۔ اے گال انہاں منگل کوں وفاقی کابینہ دے اجلاس دے بعد میڈیا کوں بریفنگ ڈیندے ہوئیں آکھی اے ۔ انہاں آکھیے جو کورونا وبا توں پاکستان دنیا دے بئے ملکاں توں گھٹ متاثر تھئے ، وزیراعظم عمران خان اتے حکومتی ٹیم دی زمینی حقائق دے مطابق حکمت عملی کامیاب رہی اے، کجھ جماعتاں ایں معاملے تے سیاست کیتی ،صحت دا مو ¿ثر نظام اتے معاشی استحکام دے باوجود کجھ ملک ایں وبا دا موثر طریقے نال مقابلہ نی کرسگیے ۔ انہاں آکھیے جو کورونا وبا دے خلاف این سی او سی دا کردار قابل تعریف رہیا جیں وچ وفاقی وزرائ، سیاسی و فوجی قیادت، صوبائی وزراءاعلیٰ سمیت بئے اعلیٰ حکام شامل ہن، اتھاں درست اعداد و شمار دی بنیاد تے حکمت عملی ترتیب ڈتی ویندی ہئی جیں پاروں لیبارٹریز، ٹیسٹ نظام اچ بہتری سمیت بئے اقدامات کیتے گئن ، ابتداءاچ ڈو لیبارٹریاں ہن ہنڑ انہاں دی تعداد 129 تھی گئی اے ، پہلے ہی طبی سامان درآمد کریندے ہن، ہنڑ برآمد کر یندے پن ۔ انہاں آکھیے جو امپریل کالج دی سٹڈی توں وی ثابت تھیندے جو اساں جیرھی حکمت عملی اختیار کیتی ایندے نال کورونا دا گراف تلے آندا پئے ۔ انہاں آکھیے جو وڈی عید تے ڈر اے جو لوک کٹھے تھیسن جیویں چھوٹی عید تے تھئے ہن ۔ایں پاروں کورونا دی صورت حال خراب تھیونڑدا ڈر اے ۔حکومت عیدالاضحی کیتے سخت قواعد و ضوابط وضع کیتن ، ضلعی انتظامیہ کوں ایس او پیز دے حوالے نال ہدایات جاری کرڈتی گئی اے ۔ وزیراعظم عمران خان فیصلہ کیتے جو او عید گھر منیسن اتے انہاں عوام توں وی اپیل کیتی اے جو عید گھر مناون ۔ انہاں آکھیے جو جئیں ویلھے اساڈی حکومت آئی تاں سارے معاشی اشاریے منفی ہن،وزیراعظم عمران خان کفایت شعاری دی پالیسی اپنائی،خرچے گھٹ کیتے اتے آمدنڑ ودھاونڑ دی حکومت عملی کامیاب رہی،کورونا پاروں ٹیکس محصولات گھٹ گئن۔وزیراطلاعات آکھیا جو ایں بجٹ اچ کوئی نواں ٹیکس کائنی لاتا گےیا اتے نہ ای عوام تے بوجھ پاتا گئے ، کابینہ ’ مشیر خزانہ ڈاکٹر عبدالحفیظ شیخ دی کارکردگی دی تعریف کیتی اے ،حکومت قرضیاں تے بھاری سود ڈیونڑ اتے پی ایس ڈی پی سانگے رکھئے گئے فنڈز رکھنڑ دے باوجود متوازن بجٹ پیش کیتے۔انہاں آکھیا جو احساس پروگرام کوں عالمی سطح تے پذیرائی ملی اے،گھٹ ویلھے اچ اے پروگرام بنڑایا گئیا ہئی ،کہیں ایں پروگرام دی شفافیت تے سوال نی کیتا،غریب لوکاں کوں 150ارب روپے دی مالی مدد ڈتی گئی اے۔وزیراعظم عمران خان مشیر خزانہ عبدالحفیظ شیخ اتے معاون خصوصی برائے تخیف غربت تے سماجی تحفظ ڈاکٹر ثانیہ نشتر کو ںاحساس پروگرام دا ڈوجھا مرحلہ شروع کرنڑ دی ہدایت کیتی اے تانجو غریب لوکاں دی مدد کیتی ونج سگے۔انہاں آکھیا جو سول ایوی ایشن اتھارٹی کابینہ اجلاس اچ پائلٹاں دے معاملے بارے رپورٹ پیش کیتی اے۔ایں موقع تے پی آئی اے دے حکام وی وموجود ہن۔وزیراعظم ہدایت تے کراچی حادثہ دے بعد انکوائری شروع کیتی گئی،اساں سفر کوں محفوظ بنڑاونڑ چاہندوں،اساں پائلٹس دی کوالیفیکیشن اچ شفافیت گھن آونڑ چاہندوں،جیڑھے پائلٹس دے لائسنس مشکوک ہن انہاں کوں گراﺅنڈ کر ڈتا گئے ،ایں بارے سارے سانجھے داراں کوں ڈسا ڈتا گئے ،28پائلٹس دے خلاف انکوائری پوری تھیونڑ دے بعد انہاں کوں ملازمت توں کڈھ ڈتا گئے ،پی آئی اے اتے سول ایوی ایشن حکام دے خلاف کاروائی تھیندی پئی اے،پائلٹس کوں مسلم لیگ ن اتے پیپلز پارٹی دے دور اچ حکومتاں جعلی لائسنس جاری کیتے ہن،ایجھے مافیا دے خلاف کاروائی جاری رہسی۔انہاں آکھیا جو کابینہ دے اجلاس اچ شوگر انکوائری کمیٹی دی سفارشات تے عمل درآمد تے پیشرفت داجائزہ گھدا گئے ۔ وفاقی کابینہ ’ منور حسین کو ںسی ای او ایگرو فوڈ پراسسینگ ملتان لاونڑ دی وی منظوری ڈتی اے۔وفاقی کابینہ ’ سیّد میکال حسین، عمران وحید الدین اتے مراد انصاری کوں ایس ٹی ڈی سی ٹیکنالوجی کمرشلائزیشن کارپوریشن آف پاکستان دے بورڈ آف ڈائریکٹرز دے ممبر لاونڑی دی وی منظوری ڈتی اے۔
