اسلام آباد ۔ 8 جولائی (اے پی پی) وفاقی وزیر امور کشمیر و گلگت بلتستان علی امین گنڈا پور کشمیری نوجوان برہان مظفر وانی دے یوم شہادت تے شہید کوں زبردست خراج عقیدت پیش کریندے ہوئیں آکھیے جو مظفروانی اپنڑی جان دی قربانی توں تحریک آزادی کشمیر اچ نویں روح پھوکی اے ۔ بدھ کوں اپنڑے ہک بیان اچ علی امین گنڈاپور آکھیے جو مقبوضہ کشمیر اچ بھارتی ریاستی دہشت گردی اچ کئی گناہ ودھارا تھی گے ،روزانہ نہتے کشمیری نینگراں کوں گھر گھر تلاشی دی آڑ اچ ماورائے عدالت قتل کیتا ویندا پئے ،نکے بال اپنڑے شہید نانے دے نیڑے بیٹھی تصویر عالمی انصاف دے اداریں کیتے وڈا سوالیہ نشان اے، بھارت کوں برہان وانی جیہوجے ہزاراں تے لکھاں کشمیری نینگراں دے عزم دے سامنڑے شکست تسلیم کرنڑیں ہوسی ۔ علی امین گنڈاپورآکھیے جو وزیراعظم عمران خان کشمیریاں دے وکیل اتے سفیر دے طور تے انہاں دا مقدمہ پوری دنیا وچ لڑدے رہسن ۔
