نیشنل کمانڈ اینڈ آپریشن سنٹر دی مال ڈھور دیاں منڈیاں اچ معیاری آپریٹنگ طریقہ کار اتے احتیاطی تدابیر دی تعمیل یقینی بنڑاونڑ دی ہدایت
اسلام آباد ۔ 15 جولائی (اے پی پی)نیشنل کمانڈ اینڈ آپریشن سنٹر (این سی او سی) صوبیں تے بئے اسٹیک ہولڈرز کوں ہدایات جاری کیتن جو او مال ڈھور دی منڈیاں اچ معیاری آپریٹنگ طریقہ کار ایس او پیز اتے احتیاطی تدابیر تعمیل کوں یقینی بنڑاون تاں جو کورونا وائرس دے کھنڈنڑ کوں روکیا ونج سگے ۔وفاقی وزیر منصوبہ بندی ، ترقیات اتے خصوصی اقدامات اسد عمر دی زیرصدارت این سی او سی اجلاس اچ ماڈل مویشی منڈیاں (مارکیٹاں) تے ایس او پیز دی تعمیل متعلق امور تے گال مہاڑ کیتی گئی ۔ایں موقع تے خطاب کریندے ہوئیں اسد عمر آکھیے جو مال ڈھور دیاں منڈیاں اچ کورونا وائرس کھنڈنڑ دے متوقع خطرے کوں گھٹ کرنڑ کیتے ایس او پیز دی تعمیل کیتے سخت انتظامی کاروائی تے زور ڈتے۔ مال ڈھور دیاں منڈیاں اچ کوئی وی ماسک پاتے بغیر داخل نہ تھیوے تے پولیس اہلکاراں کوں سختی نال ایندے تے عمل درآمدا کراونڑاں چاہیدے مال ڈھور دیاں منڈیاں دے داخلی تے خارجی رستیں دی نگرانی کرنڑیں چاہیدی اے ۔
