اسلام آباد ۔ 14 جولائی (اے پی پی) پاکستان آذربائیجان دے ضلع توزو تےآرمینیائی فوج دے حملے دی شدید مذمت کیتی اے جیں دے نتیجے اچ بہوں سارے آذری ہلاک تھئن ۔ منگل کوں ترجمان دفتر خارجہ 12 جولائی کوں آذربائیجان دے ضلع توزو تے آرمینیائی فوج دے حملے دی شدید مذمت کریندے ہوئیں حملے اچ ہلاک شدگان دے سوگوار خانداناں نال دلی تعزیت کیتی اے ۔ترجمان آکھیے جو ناگورنو۔کاراباخ دا حل طلب جھیڑا دور رس نتائج دے نال علاقائی امن و سلامتی کیتے سنگین خطرہ اے۔ترجمان آکھیے جو آرمینیا ولوں اجوکی اشتعال انگیز کارروائی اقوام متحدہ دی سلامتی کونسل دیاں قراردادوں دے مطابق ناگورنو۔کاراباخ جھیڑے دی غرض نال جاری مذاکراتی عمل کوں روکنڑ تے بین الاقوامی برادری دی توجہ ہٹاونڑ دیاں کوششاں دا مظہر اے ۔ترجمان آکھیے جو پاکستان ناگورنو۔ کاراباخ جھیڑے تے اپنڑے اصولی موقف تے قائم اے جمہوریہ آذربائیجان دی خودمختاری اتے علاقائی سالمیت کیتے اپنڑی حمایت دا اعادہ کریندے ۔
