اسلام آباد ۔ 21 جولائی (اے پی پی) نیشنل کمانڈ اینڈ آپریشن سینٹر (این سی او سی) موجب ہنڑ تئیں ملک اچ 2 لکھ 8 ہزار30لوک کورونا وائرس توں مکمل صحت یاب تھی چکین اتے ایں ویلھے ملک اچ 52ہزار 427کورونا ایکٹو کیسزہین جڈاں جو آزاد کشمیر اتے بلوچستان اچ کوئی وی مریض وینٹیلیٹرتے کائنی۔پچھلے 24 گھنٹے اچ 17 ہزار787 ٹیسٹ کیتے گین جیندے اچوں 1087نویں مثبت کیسز رپورٹ تھین جڈاں جو بئے 40کورونا مریض فوت تھی گین اتے پورے ملک اچ مرنڑ آلے کل لوکاں دی تعداد 5 ہزار 639تھی گئی اے۔ملک دے مختلف حصاں اچ 1825 وینٹیلیٹرز کورونا مریضاں کیتے رکھیے گین جتھاں 261مریض وینٹی لیٹر تے ہین۔ہنڑ تئیں کرونا نال مجموعی متاثرین دی تعداد 2 لکھ 66 ہزار 96اے،اتے ملک دے 733 ہسپتالاں اچ 2434 کورونا مریض زیر علاج ہین۔
