چیئرمین سینیٹ محمد صادق سنجرانی نال اسپیکر قومی اسمبلی اسد قیصر دی ملاقات

اسلام آباد ۔ 14 جولائی (اے پی پی) چیئرمین سینیٹ محمد صادق سنجرانی نال اسپیکر قومی اسمبلی اسد قیصر چیئرمین سینیٹ دے چیمبر وچ ملاقات کیتی ، ملاقات اچ انٹر پارلیمنٹری یونین دے انتخاب دے حوالے نال حکمت عملی تے تفصیلی گال مہاڑ کریندے ہوئیں سانجھے پارلیمانی گروپ بنڑاونڑ تے اتفاق کیتا گیا ۔ چیئرمین سینیٹ محمد صادق سنجرانی آکھیے جو ڈوہیں ایواناں دا سانجھا پارلیمانی گگروپ دنیا دی پارلیمان نال رابطہ کاری اچ موثر ثابت تھیسی ۔ اسپیکر قومی اسمبلی چیئرمین سینیٹ کوں آئی پی یو دی صدارت دی نامزدگی تے مبارخ ڈیندے ہوئیں آکھیے جو موجودہ پارلیمان کوں ملکی تاریخ اچ پہلی واری آئی پی یو دی صدارت دے انتخاب دا اعزاز حاصل تھئے ۔