اسلام آباد ۔ 21 جولائی (اے پی پی) چیئرمین سی پیک اتھارٹی لیفٹیننٹ جنرل (ر) عاصم سلیم باجوہ آکھیے جو سی پیک منصوبیاں دی پیش رفت تے مطمئن ہیں،کتھائیں وی کوئی کم نئیں رکیا،مستقبل دے منصوبیاں دی وی چنگی منصوبہ بندی کیتی اے کیوں جو سی پیک ترقی یافتہ پاکستان دی ضمانت اے، ایندے نال ملک اچ تعمیر و ترقی دا انقلاب آسی، ایم ایل ون منصوبہ تیکھے مکمل تھیسی اتے شاہراوان دا جال وچھایا ویسی۔اے گالھ انہاں سی پیک بارے سینیٹ دی خصوصی کمیٹی کوں بریفنگ اچ آکھی۔ انہاں آکھیا جو اورنج لائن ٹرین منصوبہ اصلوںسیاسی کائنی،سماجی معاشی منصوبیاں اچ سب توںودھ حصہ بلوچستان اتے سب توں گھت پنجاب دا اے، سی پیک بارے جو کجھ وی تھیا کریسوں، غلط وعدے نہ کیتے ویسن،چین وزیراعظم ہاوسنگ سکیم اچ سستے گھراں کیتے وی 10 کروڑ ڈالرڈیونڑ کوں تیار اے۔انہاںا ٓکھیا جو ماشخیل، تربت، واشو، خاران اتے کیچ اچ بجلی دے مسائل حل کریندے پئے ہیں، گلگت توں چترال اتے چترال توں چکدرہ شاہراہ ترقیاتی منصوبیاں اچ شامل اے۔
