اسلام آباد ۔ 14 جولائی (اے پی پی) وزیراعظم دی معاون خصوصی سماجی تحفظ و تخفیف غربت ڈاکٹر ثانیہ نشتر احساس دے نویں پروگرام “احساس نشوونما” دے حوالے نال وزیراعظم عمران خان کوں گزریل ڈینھ بریفنگ ڈتی ۔وزیر اعظم عمران خان آندے کجھ ہفتے اچ “احساس نشوونما ” پروگرام دا آغاز کریسن۔احساس نشوونما پروگرام دے تحت ملک دے 9 ضلعیں اچ 31 نشوونما مراکز قائم کیتے ویسن ۔بالاں دی مناسب نشوونما اچ رکاوٹاں مکاونڑ کیتے خصوصی طور تے ڈیزائن کیتے گئے ایں پروگرام اچ حکومت پاکستان کوں عالمی ادارہ خوراک ولوں معاونت حاصل اے ۔ترجمان موجب احساس ایمرجنسی کیش پروگرام جاری اے اتے ہنڑ تئیں پورے ملک اچ ہک کروڑ 26 لکھ 47 ہزارسےزائد لوکاں اچ احساس ایمرجنسی کیش پروگرام کے تحت رقم ونڈی گئی اے ۔ مستحق لوکاںاچ ہنڑ تئیں 153 ارب 5 کروڑ روپے توں ودھ رقم ڈتی گئی اے ۔پنجاب اچ 57 لکھ 29 ہزار توں ودھ لوکاں کوں 69 ارب 34 کروڑ روپے ڈتے گئن ۔ بلوچستان وچ 7 ارب 71 کروڑ روپے ، خیبرپختونخوا اچ 21 لکھ 57 ہزار توں ودھ لوکاں اچ 26 ارب 19 کروڑ روپے ،سندھ وچ 45 ارب 38 کروڑ روپے ، 37 لکھ 63 ہزار توں ودھ لوکاں کوں ڈتے گئن ۔آزادکشمیراچ 2 ارب 51 کروڑ روپے ڈتے گئن۔گلگت بلتستان اچ 1 ارب 10 کروڑ روپے۔اسلام آباد اچ 80 کروڑ روپے توں ودھ رقم ڈتی گئی اے۔
