ڈو ہزار 40تئیں ہک لکھ میگاواٹ بجلی بنڑاونڑ دے اہداف ہن ، وفاقی وزیرتوانائی عمر ایوب خان دا قومی اسمبلی اچ اظہار خیال

اسلام آباد ۔ 16 جولائی (اے پی پی) وفاقی وزیرتوانائی عمر ایوب خان آکھیے جو 2040ءتئیں ہک لکھ میگاواٹ بجلی بنڑاونڑ دے اہداف ہن ، صوابی اچ 220 کے وی دے گرڈ سٹیشن دے نال مزید علاقہ منسلک کریسوں۔خمیس کوں قومی اسمبلی اچ شیراکبرخان اتے بئے ولوں دوبیان ہوسئی گرڈسٹیشناں دے حوالے نال توجہ کراﺅ نوٹس دے جواب اچ عمر ایوب آکھیے جو ہوسئی اتے دوبیان ڈوہیں گرڈ سٹیشن اوورلوڈ ہن۔ لوٹمپریچر کنڈکٹراں کیتے رائٹ آف وے دا مسئلہ اے۔ پیسکو اتے این ٹی ڈی سی لو ٹمپریچر کنڈکٹر نصب کرنڑدا فیصلہ کیتے۔ ایندے نال بجلی دا مسئلہ حل تھیسی ۔انہاں آکھیے جو صوابیاچ 220 کے وی کے گرڈ سٹیشن توں مزید علاقیں کوں منسلک کریسوں ۔مزید چارگرڈ سٹیثشن کیتے زمین گھدی اے ۔ انہاں آکھیے جو موجودہ حکومت بجلی دی ترسیل اتے ونڈ دے نظام کوں اپ گریڈ کرنڑ تے توجہ ڈتی اے ۔ پہلے 18 ہزارمیگاواٹ تئیں سسٹم گھن سگدا ہئی ہنڑ 23 ہزار گھندا پئے ۔