کشمیریاں دی پاکستان نال جڑت لازوال اے ، وفاقی وزیر امور کشمیر و گلگت بلتستان علی امین خان گنڈاپور

اسلام آباد ۔ 18 جولائی (اے پی پی) وفاقی وزیر امور کشمیر و گلگت بلتستان علی امین خان گنڈاپور آکھیے جو پاکستان دے نال کشمیریاں دی جڑت لازوال اے ،کشمیریاں 19 جولائی کوں قرارداد الحاق پاکستان دی منظوری ڈے تے اپنڑی منزل چنڑ گھدی ۔ الحاق پاکستان دے ڈینھ دے موقع تے اپنڑے خصوصی سنھیے وچ علی امین گنڈا پور آکھیے جو کشمیریاں دی پاکستان نال جڑت لازوال اے تے ایں جرٹ دا اندازہ ایں امر توں لاتا ونج سگدے جو اٹھ لکھ بھارتی فوج دی درندگی تے سفاکیت کشمیریاں دے عزم کوں مکاونڑ اچ ناکام رہی اے تے کشمیری اج وی مقبوضہ کشمیر دی چنڈ چنڈ وچ پاکستان دے جھنڈے لائی کھڑن تے اپنڑے شہیداں کوں ساوے جھنڈے اچ دفن کریندے پئن ۔انہاں آکھیے جو ویلھا گزرنڑ دے نال ایں گانڈھا پکا تھیندا گئے تے اج کشمیریاں دی تریجھی نسل اپنڑے حق خود ارادیت گھننڑ کیتے آپ دے وڈ، وڈیریں وانگوں پرعزم اے ۔