اسلام آباد ۔ 8 جولائی (اے پی پی) وزیراعظم عمران خان کورونا دی صورتحال تے اطمینان کریندیں ہوئیں آکھیا جو کورونا دا گراف تلے آونڑ تسلی بخش اے ،این سی او سی دے اجلاس صوبائی دارالحکومتاں اچ کیتے ونجن اتے صوبیاں دی کوآرڈینیشن نال انتظامی معاملات کوں بئیا چنگا کیتا ونجے،وڈی عید تے حفاظتی اقدامات اتے ایس او پیز تے سختی نال عمل کرایا ونجے۔اے گالھیں انہاں اپنڑی صدارت اچ کوویڈ 19 دی صورتحال بارے جائزہ اجلاس اچ ہدایت کریندیں ہوئیں آکھی۔اجلاس اچ وفاقی وزراءمحمد حماد اظہر، مخدوم خسرو بختیار، اعجاز احمد شاہ، سید فخر امام، اسد عمر، مشیر عبدالرزاق داو ¿د، معاونین خصوصی لیفٹیننٹ جنرل (ر) عاصم سلیم باجوہ، شہباز گل، فوکل پرسن ڈاکٹر فیصل سلطان، چیئرمین این ڈی ایم اے لیفٹیننٹ جنرل محمد افضل تے بئے سینئر افسر شریک تھیے۔وزیراعظم کوں کورونا دی صورتحال،علاقائی صورتحال،سمارٹ لاک ڈاﺅن حکمت عملی دے چنگے نتائج،ہسپتالاں اچ کوویڈ سانگے سہولتاں بارے بیڈز ودھاونڑ دی صورتحال اتے خصوصی طور وڈی عید تے کورونا کوں کھنڈنڈ توں روکنڑ بارے بنڑائی گئی حکمت عملی تے تفصیلی بریفنگ ڈتی گئی ۔وزیراعظم کوں ڈسیا گئیا جو کورونا دے کسیز اچ گھٹکی پاروں ہسپتالاں اچ پوونڑ آلے بوجھ گھٹ گئے ۔ایں موقع تے وزیراعظم عمران خان کورونا دی صورتحال تے اطمینان کریندیں ہوئیں آکھیا جو کورونا دا گراف تلے آونڑ تسلی بخش اے ،این سی او سی دے اجلاس صوبائی دارالحکومتاں اچ کیتے ونجن اتے صوبیاں دی کوآرڈینیشن نال انتظامی معاملات کوں بئیا چنگا کیتا ونجے۔،وڈی عید تے حفاظتی اقدامات اتے ایس او پیز تے سختی نال عمل کرایا ونجے۔
