اقوام متحدہ۔ 7 جولائی (اے پی پی) اقوام متحدہ دے سیکرٹری جنرل انتونیو گوٹریش آکھیے جو کورونا وائرس دی عالمی وباءاچ دہشت گردی روکنڑ کیتے بین الاقوامی برادری رل تے کوششاں کرے۔اے گالھ اقوام متحدہ دے سیکرٹری جنرل انتونیوگئتریس کرونا دی صورتحال اچ انسداد دہشت گردی دے چیلنجز اتے حکمت عملی بارے اقوام متحدہ ولوں منائے ونجنڑ آلے ’ ورچوئل کاﺅنٹر ٹیرارازم ویک“دے موقع تے آکھی۔انہاں آکھیے جو دہشت گردی دی وی کوئی سرحدکائنی، اے وی کرونا آلی کار سارے ملکاں تے ہکو سویں اثراندازتھیندی اے جیکوں رل تے ہی ہرایا ونج سگدے۔انہاں چتائے جو القاعدہ، آئی ایس آئی ایل، انہاں دی علاقائی بانھ بیل ،نیو نازی سفید فام دے حامی افراد اتے نفرت انگیزی کھنڈاونڑ آلے بئے گروپ اپنڑے مقاصد سانگے ونڈ، مقامی تنازعات ، حکومتی ناکامیاں اتے شکایات دا استحصال کرنڑ دی کوشش کریندن ،ایں سانگے سارے ممالک انسانی حقوق دے تحفظ کیتے دہشت گردی دے خلاف جنگ اچ تیزی ڈکھاون ۔
