اسلام آباد ۔ 4 جولائی (اے پی پی)وفاقی وزیر ترقی تے منصوبہ بندی تے خصوصی اقدامات اسد عمر آکھیا جو کورونا وبا ءاچ ڈاکٹراں دے مشورے اتے احتیاط تے عمل کرنڑ اوکھا کم نی،ایس او پیز تے عمل تھیسی تاں کاروبار وی چلسی اتے لوک صحت مند وی رہسن۔اسلام آباد اچ چیئرمین این ڈی ایم اے لیفٹیننٹ جنرل محمد افضل دے رلے این آئی ایچ اچ نو تعمیر آئیسولیشن اینڈ اسپیشل ٹریٹمنٹ سینٹر دے دورے دے موقع تے میڈیا نال گالھ مہاڑکریندیں ہوئیں وفاقی وزیر آکھیا جو کورونا بارے صورتحال بہتر تھیندی ویندی اے۔انہاں آکھیا جو اسلام آباد اچ چالہی ڈینھ اچ آئسولیشن ہسپتال بنڑائے۔اساڈی تیاریاں پوری ہن،اگلے ہفتے وزیراعظم آئسولیشن ہسپتال دا افتتاح کریسن۔انہاں آکھیا جو ہسپتال اچ آکسیجن اتے وینٹی لیٹرز سودھی ساری سہولتاں ڈتیاں گئن جڈانجو اتھاں 250بیڈز موجود ہن۔
