کووڈ 19 نال نبڑن،جائزہ گھنڑ کیتے آزاد پینل بنڑا ڈتے،عالمی ادارہ صحت

برن۔ 10جون (اے پی پی) عالمی ادارہ صحت (ڈبلیو ایچ او)آکھیے جو کووڈ 19 وبائی مرض نال نبڑن کیتے جگ اچ حکومتاں دے ردعمل دا جائزہ گھنڑ کیتے ہک آزاد پینل بنڑا ڈتے۔ عالمی ادارہ صحت دے ڈائریکٹر جنرل ٹیڈروس اذانوم گبیریئس آکھیے جو ایں سال مئی اچ عالمی ادارہ صحت دے رکن ملکاں یوروپی یونین ولوں پیش کیتی گئی ہک قرار داد منظورکیتی ہئی جیندے اچ ایں وبائی مرض بارے عالمی ردعمل دی جانچ پڑتال دا مطالبہ کیتا گیا ہاجیندے کیتے آزاد پینل بنڑا ڈتے۔نیوزی لینڈ سابق وزیر اعظم ہیلن کلارک اتے لائبیریا دے سابق صدر ایلن جانسن سرلیف پینل دی اگوانڑی کیتے رضا مندی ڈکھائی اے۔انہاں ڈسائے جو کرونا بارے نومبر اچ صحت دا سالانہ اجلاس اتےا ٓندے مئی اچ ہک اہم رپورٹ پیش کیتی ویسی۔