راولپنڈی۔ 7 جولائی (اے پی پی) دفاع پاکستان دے عظیم فریِضہ دی انجام دہی اچ جام شہادت نوش کرنڑ آلے قوم دے بہادرسپوت کیپٹن کرنل شیر خان (نشان حیدر) اتے حوالدار لالک جان شہید (نشان حیدر) دی 21 ویں برسی بالترتیب انہاں دے آبائی علاقے صوبائی تے غدر (گلگت بلتستان) اچ منگل کوں منائی گی ۔ پاک فوج دے سربراہ جنرل قمر جاوید باجوہ ولوں ناردرن ایریا دے کمانڈر میجر جنرل احسان محمود خان بہادر سپوتاں کوں خراج عقیدت پیش کرنڑ کیتے قبر تے پھلاں دی چادر چڑھائی ۔ پاک فوج دے شعبہ تعلقات عامہ (آئی ایس پی آر) دے موجب ڈوہیں شہیداں کوں خراج عقیدت پیش کرنڑ تے انہاں دیاں قبراں تے پھل چڑھاونڑ کیتے خصوصی تقاریب دا انعقاد وی کیتا گیا ۔کمانڈنٹ پنجاب رجمنٹ سنٹر کیپٹن کرنل شیر خان شہیددی قبر تے پھلاں دی چادر چڑھائی ۔ اعلیٰ فوجی و سول حکام، شہداءدے اہلخانہ سمیت زندگی دے مختلف شعبیں توں تعلق رکھنڑ آلے لوکاں انہاں تقریب اچ شرکت کیتی ۔
