اسلام آباد ۔ 18 جولائی (اے پی پی) نیشنل کمانڈ اینڈ آپریشن سینٹر (این سی او سی) کورونا وائرس متعلق تازہ ترین تے مصدقہ اعداد و شمار جاری کرڈتن ،ہک لکھ 98ہزار 509 کورونا وائرس کوں ہرا تے صحت یاب تھی گئن ۔آزاد کشمیر اتے بلوچستان اچ کوئی مریض وینٹیلیٹرتے کائنی ، گزریل 24 گھنٹے اچ 23ہزار11ٹیسٹ کیتے گئن جیں اچو 1918نویں مثبت کیسز رپورٹ تھئن ، مزید 47کورونا مریض انتقال کر گئن۔ این سی او سی موجب ایں ویلھے پورے ملک اچ 57ہزار 886کورونا ایکٹو کیسز ہن۔ گزریل 24 گھنٹے دے دوران تھیونڑ آلے ٹیسٹاں اچ سندھ دے 10299، پنجاب دے7879، خیبر پختونخوا دے2127، اسلام آباد دے 2112، بلوچستان دے 185، گلگت بلتستان دے 79اتے آزاد کشمیر دے 330ٹیسٹ شامل ہن۔ملک دے مختلف حصیں اچ 307 مریض وینٹیلیٹرتے ہن جڈاں جو 1825 وینٹیلیٹرز کورونا مریضاں کیتے مختص کیتے گئن ،ہنڑ ملک اچ مجموعی متاثرین دی تعداد ڈو لکھ 61ہزار توں ودھ اے ۔
